gozalsozlar
بیر وبلاق تورک زابانلار ایچین 
قالب وبلاگ
لینک دوستان

هاممی یاتیب گئجه کورسو توووندا

آداخلی قیز آداخلی سی هاییندا

وعده لری هامی یاتاندان سورا

اوتایدا اوت آنباری  

کیمی یوخو آپاری

اوره گلری نه چالی

باش کسیلمیش غاز تایی.

آتاسینین خورولتوسو اوجالدی

آناسیدا قولون یانینا سالدی

خیرده باجی قارداشی یورغان آلدی.

سوندو چیراق آچیق گوزلر قارالدی

دامدا پیشیک گوزلری تئز پارالدی

آداخلی قیز اوره گی تئز آتلاندی

یاتمادی یئرده ن دوردی

یاواشجا قاپی آچدی

ایت هوردو قیز سوز آلدی

آنبار ساری یوللاندی

نفت چیراغی چیریلداییب یانیردی

آداخلی لار بیر-بیرینه باخیردی

اوتایدان قورد اولوردو

دام اوسته ن ایت هوروردو

اوغلان اوتانجاق یار الین توتوبدو

باش اندیریب اونون الین سیخیبدی

گله جکده ن دانیشیبلار اولار چوخ

ایسته دیلر بیر-بیرینه یاپیشسینلار بیر آز چوخ

قوجاقلاشیب بیر-بیرلرین سیخدیلر

اوچون اوپوب دوردومجو دیشله دیلر

بیرده ن بیر سس گلدی کوپه گین قیزی

هارا گئدیبسه ن بو گئجه قیزغینی

قیز دئدی ای وای نئجه اولدوم یازیق

بیلدی آتام من بئنوا من یازیق

کول باشووا آی عاشیق

گورسه بیزی چیخادار منده ن چاریق

بسدی دا سن اوزومو ائتدون یاریق

ایسته ییسه ن سن چاپیق.

چوخ تله سیب ایسته دی دوروب گئده

یالواریر اوغلان هله گل باخ سؤزه

قوی گئده بوردان سورا سن چیخگینه ن

گزیب سنی تاپمییه جئک  چوخ

های هارای سالمییه جئک

نئجه گئدیب اوندان سورا سنده گیزلین گئدگینه ن

قیز دئییری گلسه بورا نئیلی یه ک

هئی اؤپوراوغلان اوره گی سیخمییه ک

آداخلی لار گؤردو گلیر اویانا

ایندی گؤرسه اولار قانین آخیدا

تئز کئچیرتدیلر چیراغی بیلمییه

توکدولر اوسله رینه اوت گؤرمییه

یاپیشدیلار بیرـبیرینه اوت آلتدا

باخان دییه ر اوزه رلیکدی اود اوسته

قیز آتاسی چوخلو گزیب گؤرمه دی

ائوه گئدیب اؤز آروادین سیلکه دی

اوغلان تئزجه نفت چیراغین یاندیریب

خومار گؤزلر بیرـبیرینه سئوگی سؤزون قاندیریب

نئجه ساریشار آغاجا سارماشیق

اوجور ساریشدی قیزه اوغلان عاشیق

اؤپدو اوزون سوردو قیزده ن شوخ ممه

سیخدی بئلین ایسته دی گئتسین قیچه

قیزده قوجاقلاییب اونو اؤپوری

سورته لئییر قول قیچینی دویموری

آج قورد تکین ال قاتیبلار جانلارا

گؤرگیله سن عشقه کسه ر وار هارا

قیزغینجا ایسته دیله ر بیر ....

اوجا سس:

اودلانیبدیر اوت آنباریم یاردیم ائدین قونشولاریم

ایکیسی باخدی دالا هانی چیراق

اودلانیب آنبار اود ایچینده دوراق

گل گؤزه لیم  گل تاپگینان یول قاچاق

یاخچی چاغدیر گئدمه گه یون باشلییاک

اوغلان اؤپدو دئدی دا ایش بوشلییاک

قونشولاری های ـ هارایا گلدیلر

اود سؤندوره لر چوخو سو گتدیلر

آداخلی لار قاچماغا یول تاپمادی

اود بورویوب اوسله رینی ساخلادی

آچدی اوغلان قوجاغینی یارینا

باسدی اونو اوره گینه باغرینا

چوخ چالیشدی یارین اوددان قورتارا

اوچدو دامین اوستو هانی یول قاچا

قوجاقلاشیب اود ایچینده قالدیلار

پروانه تک ایکی گؤزه ل یاندیلار

قیزآتاسی اوت آنبارین هاییندا

کیمسه بیلمیر آداخلی لار هایاندا

ایش تله سیک چوخو یوخودان دوروب

سو یئرینه نفت گؤتوروب یومولوب

های ـ هارایا آرواد اوشاق توکولوب

قیز آتاسی آنبارا یوخون گئدیب

هئی ووروری باشا چیغیریر یازیق

یاندی اوت ـ آنبار نئجه اولدوم یازیق

بیر اوجا سس:

وای تئز اولون اولدو کول

کیمسه اود اوسته بیر گالون سو توکور

اود آلاوو بیرده ن گؤیه باش چکیر

سودو بو نفت

چوخسیلارین اته گینی اود توتور

قیز آتاسی قیزغین اود ایچره یانیر

اولدو تفت

باش قولاغ اولدو قابار

جان واری اؤلمه ز قالار

یاندی کوله دؤندو دامین وار یوخو

قونشولاردان یارالی سی وار چوخو

آداخلی لاردان کی خبر اولمادی

اوغلان ائوی قیز آناسی آغلادی

اوخشامالار اوره گلری داغلادی

یارین ایشیقلاندی هاوا گون چیخیر

نئچه نفر یانان دامنان کول ییغیر

قوزادیلار آواری بیرده ن گوجه

گؤردیلر آلتیندا یاتیب گؤز ـ گؤزه

ایکی مارال قول بویون اولموشدولار

یانار اود ایچره کوله دؤنموشدیلر

کؤکسیلرین گؤردیله صافدیر اینان

هانسی اود وار عشق اودونو یاندیران

عشقه قایناق اوره گدیر

اوره گسیز کیم دبه گدیر

گؤرجه ک اونو:

کندین اهلی باشا ووروب آغلادی

چوخسو هوشده ن گئدیب آغنادی

باش یولوندو اوز جیریلدی

کوللر باشا سپیلدی

قویلادیلار او ایکیسین او حالدا

آنبار اولذو عشقه مزار نه هایدا

سنین قلبین آنباردان اسگیگ اولماز

عشق یولونا دوشسون اوره گ یورولماز

اولماسا طاقت گله سه ن بو یولا

تؤکمه سن داش عاشیق اولان یولونا

یاردیم ائت عاشیق یئتیشه معشوقا

اولسا دوشه شعشعه سی جانووا

قارشی دوروب عشقه اؤزون کورلاما

عاشیق اولان اوره گی سن لاخلاما

سو آخاری توپراغی داشی یارار

عشق آخاری بو سورتوشگه ندیر قانار؟

دوردوقجا باسیب یارار

الست گونو عشقی بیزه یازیبدیر

عشق ایله بو اوره گیمیز آلیبدیر

عشق اوجاغی آلاو چکیر اودلانیر

کیمسه گیره عشق یولونا یوللانیر

دونیا بوتون بورونوب عشق اودونا

کیمسه ده گؤز اولسا ییخیلیب اونا

عاشیق اولان عشق اودونا یاناجئک

سئوگیسیز اینسان قارا گون تاپاجئک

هاممی دردین درمانی عشقین اودو

بیرجه گونده سنده سیناج ائت اونو

سالما باشا عشقه قارشی دوراسان

عشق اودو چکسه آلاو اودلاناسان

کیمسه ایسته ر سؤندوره عشقین اودون

اودلاناجئک عشقه اولاجئک اودون

جمال حق دوزگون عشقین مظهری

اوز چئویر حقه سنه بیل نور گلی (وئری)

عشق ائدئنئ سالسین اؤزئ جانووا

عشق آپارسین سنی مقامووا

 

[ شنبه سیزدهم آذر 1389 ] [ 12:53 ] [ چگيني ]
.: Weblog Themes By Pichak :.

درباره وبلاگ

bu veblago toplam gozal turk arkadashlarima takdim ediram
امکانات وب
  • دانلود فیلم
  • دانلود نرم افزار
  • قالب وبلاگ